遊書展妄想打書釘

今日終於放假,決定夜遊書展,差不多6點鐘左右到達,循例圍繞新鴻基大廈兜了個圈,尚算流暢成功入場。基本上,這種情況可說是年年如是,習以為常。但當進場行了不過兩個攤位,便收到我阿妹來電,話場外人頭湧湧,行幾步便停一停,皆因進場人數太駭人,要實施八十年代港人回鄉羅湖「打蛇餅」情景,根本無場輕鬆入場,最後只好放棄!
 
據講6點左右剛好踫正曼聯訪港賽散場,人潮睇完波順道再入書展睇埋書,免得白費大好放假日子。今年星期六書展開到12點,可說是破天荒,本來小弟真係唔想揀呢日入場,因為人頭湧湧場面,真係會影響心情,由邊走邊看邊揀,變成早買早著早走。今日情況就如此,剛進場第一時間由內地書檔開始睇,沒有太多收穫(小鵬經常行香港0既內地書店,又間唔中問下Wilson哥行情)。結果只買左兩本旅遊書(以前做腦記,晚晚晏收工,一放假想瞓覺,乜野心情都冇,咪諗住去旅行咁爽),一本講北京,另一本講上海,因為真係諗過想以自由行方式,去呢兩個地方。小鵬去旅行,一向唔鍾意淨係掃貨,仲希望體驗別人0既生活,親身觀賞下歷史名勝,始終北京和上海,一個城市可以細訴段段動人故事,個個引人入勝,香港卻顯得十分空洞,舊式建築早已煙消雲散,處處公式化商場,很悶蛋!
 
好多人討厭大陸書,理由係簡體字。小鵬對簡體字沒有反感,咁當然亦冇好感。(製作大陸現行簡化字方案班友沒有腦的!)大陸書價錢真係好平,而且好多題材根本只有大陸會出版,以香港同台灣出版業以銷路掛帥原則,根本唔會出偏離主流題材0既書種。可以說,買大陸書最好買參考類別,千萬唔好買外國人物傳記(例如:希拉克傳同克林頓傳)或者涉及國民黨同抗日戰爭書籍,因為睇完會令你很谷氣,外國小說翻譯本亦都可以免(小弟不是批評佢地翻譯水平,其實內地翻譯書遠比好多台灣的好,只係中文同英文根本係different animals,功力再高個別用字,造句都冇法譯得到神韻)。有部分大陸書的確平得出奇,幾米繪本固然係表表者,好似其中一本「1641中國人發現了新大陸」,英文版賣百二蚊,繁體中文版也差不多,但係大陸版居然只賣三十幾!!
 
另外,小鵬仲買左李天命「哲道行者」,因為發覺環繞自己身邊,愈來愈接觸得多「歪理」,多睇呢類指導人如何思考0既書,可以令自己思路清晰一些。小鵬不是首次睇李天命,早在中五時買了「李天命思考的藝術」,原來呢本書至今已出版到第40版。當年小鵬花了85蚊買呢本書(當年來說是很貴),是英文補習老師建議買的,目的是訓練自己,在作議論文時怎樣提出立論。
 
本來見到一本「香港第一」0既書都想買的,內容主要講食,專講香港各地傳統食肆,同埋舊事舊物回顧。最後還是忍手,因為覺得看此類書,在書局溜漣打書釘時睇,趣味會比留一本0係自已屋企大。
 
小鵬認為,到書局打書釘,在決定是否購買,果種是否忍手0既一五一十感受,本身是閱讀樂趣0既一部分。要0係書展享受呢種樂趣,可以話係妄想,入場之前要定好選購清單,不然就要空手而歸了!(離開會展時,聽到保安哥哥講,場外尚有十萬人等候入場,當時已經差不多10點!!)
Advertisements

Posted on July 24, 2005, in Uncategorized. Bookmark the permalink. 1 Comment.

  1. 小鵬兄收穫不錯哩。小妹好幾年的香港書展都不在香港,昨天卻去了洛陽,買了一本龍門石窟彩圖介紹,和一本洛陽十三朝古都﹝內附多幅古代城池地圖﹞。加埋才廿六蚊,很滿足啊!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: