今時今日,咁嘅服務態度唔得嘅!

不如同大家做個調查,其實大家去一般酒樓飲茶,會唔會小費呢?畀的話,又會畀幾多?會唔會畀11蚊咁多呢?

話說我上星期四同成班同事,晏晝食飯去西灣河間海寶漁港酒樓嘆茶,食到兩點鐘埋單找數走人。叫0左個待應過0黎埋單,一眾同事例牌籌旗,大約數過下有幾多錢,約比實數多11蚊左右啦,成疊現金放左響枱面度,但佢冇問一聲之下成疊錢攞走左不特止。
我地等丫等,等左10分鐘,未見有人找番錢過0黎,就問剛好路過0既經理哥哥,請佢幫我地睇睇,結果出人意表事發生0左…

西裝友經理哥哥仔行番過黎,唔係第一時間找番錢喎,而係責問我地點解畀錢果陣,唔數清楚再畀實數(當時佢冇同時將應該畀番我0地果11蚊攞番過0黎),一時間大家都呆在當場….
我地話,咁我0地冇散子,亦想你找番碎子畀我地嗎,條友仔依然好長氣,強調多兩次,你地下次應該數清楚畀實數丫麻,我其中一位同事按奈不住,咁我地其實都未完全數完錢,你位同事已經一聲不響成疊錢笠0左走啦,咁我地有乜計,不如你唔好講咁多,快手畀番D錢我地好過啦!經理哥哥跟住走番去收錢處,扮管理帳單咁啦,然後叫佢一位下屬,渣住個十蚊銀,靜靜地咁走番過0黎),一聲不響咁放番響我0地枱面,然後閃開。

從呢件事件可以睇到班酒樓待應,其實係想搏大霧,諗住拖一拖我0地,唔即時找錢,睇下我0地會唔會因為等唔切,而就咁走人。另一方面,經理哥哥0既做野方式,我覺得一眾酒樓服務員真係唔應該學0羅,唔係學壞晒手勢。唔去即時找番錢畀我地不特止,仲走過0黎質問我地仲乜畀現金,又唔畀實數,大佬你自己犯錯,唔記得找錢畀你,不如唔係即刻諗方法解決問題,即刻找番錢過0黎,仲反而去搜集證據,向客人大興問罪之師,行為極其低能之餘,佢所質問0既野真係好反志羅!

學劉華話齋,今時今日,咁嘅服務態度唔得嘅!經理哥哥好好反省吓啦!

Posted on June 25, 2005, in Uncategorized. Bookmark the permalink. 1 Comment.

  1. 上樑不正下樑歪,就是這樣。員工態度不會,主要就是因為老細不好。特別是服務性行業,更甚。因為做樓面,他們看tips是其中一個收入,如果老細刻薄員工,減人工,但說tips就是你們的花紅。員工了多點錢,就會這樣做法。其實酒樓老闆才是最大的禍根。

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: